I dat dus differentas sortas da stress:
- Il bun stress – curt avant in examen u ina preschentaziun.
- Il nausch stress – che resta constant durant dis, emnas, mais u onns.
Il stress sur lung temps pon ins evitar cun magliar saun, durmir avunda, sa muventar u meditar. Quai è ina buna ballantscha.
Problematic èsi dentant, sch'ins ha stress durant la lavur sco era el temps liber. Sch'il corp ha numnadamain adina da far ed organisar chaussas, senza fasas pli lungas da regeneraziun, po il corp baud ni tard vegnir en ina fasa malsauna. Quella fasa po la fin finala chaschunar in burnout.
Bleras persunas na percorschan betg immediat, ch'els crodan en quella spirala da stress. Quai po ir cun il temps ir sin la psica.
Indizis che mussan, ch'il corp e periclitads per vegnir malsauns d'il stress èn:
- Las prestaziuns prendan giu durant la lavur. Las reacziuns da quai èn, ch'il pertutgà ni la pertutgada sto lavurar dapli, per dumagnar las incumbensas e fa uschia sururas e lascha davent pausas necessarias.
- Il caracter sa mida. Blers pertutgads sa retiran d'ils contacts socials e daventan ironics e sarcastics envers la vita per sa schurmegiar dil mund.
- Vinavant han ils pertutgads era problems da durmir, da concentraziun e tut tenor era problems corporals sco mal il dies.
Per evitar, ch'ins brischa ora, datti la pussaivladad da trair il frain e far ina pausa cun la lavur/il project.
In'autra opziun e da tschertgar agid tar medis. La varianta che Andres R. Schneeberger metta a cor: bajegiar en pausas suenter ina activitad, far regeneraziuns suenter la lavur u il hobi.
