Tge resguardar tar la cumpra da daners esters?

Avant ir en in pajais ester, èsi da cumprar ils daners dal pajais. Nua survegn ins dentant il pli bun martgà las valutas? Fai insumma senn da pajar bar? In è en mintga cas cler, ir tar la banca da chasa n'è betg adina il pli bun martgà.

Daners esters
Legenda da maletgs: Cun in u l'auter tric pon ins spargnar en pajais esters. Pixabay

Curts tips e trics generals:

  • Tar Euros, Dollars e Pfund Englais survegnan ins ils daners il pli bun martgà en la tiara da vacanzas.
  • Ils curs da Euros, Dollars e Pfund Englais èn en Svizra tar mintga banca bunamain eguals. Schins vul pajar en las vacanzas cun carta, lura pajar pitschnas summas cun la carta da credit.
  • Retrair daners dal bancomat adina cun la carta da debit, pia Maestrocard ni Postcard.
  • Schi vegn dumandà, en tge valuta pajar, adina pajar cun ils daners da la tiara da vacanzas.

Autur/a: Orlando Cadonau