Tgi decida cura ch'igl è firà e tge reglas valan?

Firads en bain ina chaussa da la baselgia u forsa tuttina betg? La raschun per far in firà deriva savens da la baselgia perquai ch'igl è da festivar in Sontg ubain in auter impurtant eveniment religius. Ma decider sch'ina tala festa vala sco firà, quai fan ils chantuns. La basa è la lescha federala da lavur. En quella metta la Confederaziun a disposiziun 8 dis ad onn als chantuns per fixar firads che valan lura sco dumengias. L'impurtanza religiusa vegn bain resguardada, ma ils chantuns e la baselgia na mettan betg adina la medema paisa sin ils singuls firads. Plinavant dattan blers chantuns er la libertad a las vischnancas da fixar firads locals, uschia er il chantun Grischun.