Tgi po duvrar e-trottinets e nua?

Adina dapli vesan ins trottinets electrics sin via. Betg tut ils e-trottinets han però il permiss per vegnir duvrads sin vias publicas.

Legenda da maletgs: Keystone

Tar ils e-trottinets datti trais categorias.

  • motor fin 500 watt
  • motor sur 500 watt
  • motor sur 1 kilowatt

Tut ils e-trottinets èn scumandads en zonas da peduns. Cun e-trottinets han ins da guidar sco cun in velo. Per pudair guidar in e-trottinet han uffans traunter 14 e 16 onns dad avair fatg la patenta da la categoria M. Per ils motors ch'èn pli ferms che 500 watt ha mintgin dad avair la patenta da la categoria M. Immatricular ils e-trottinets ston ins sch'il motor è pli ferm che 500 watt. Sch'il motor è pli ferm che 1 kilowatt ha il e-trottinet dad esser tipisà avant ch'ins po immatricular el.

Autur/a: Natalia Murtas