Tgiradents cun gust

Tgiradents cun gust datti da cumprar sin diversas paginas d'internet. L'idea davos la pagina zahnholz.ch è naschida duant il militar. Fin oz è la butia creschida uschè ferm, che vender tgiradents è uss la lavur principala dals fundaturs, e na betg pli mo in hobi.

Tgiradents cun gust
Legenda da maletgs: Tgiradents cun gust RTR, Pietro Jacomet

Tut ha cumenzà cun in tgiradents durant il militar. In tgiradent cun gust da menta. L'interess vid quests tgiradents era grond. Uschia ha Kevin Metzler decidì da fundar ina butia sur internet per vender tgiradents cun gust. Suenter in onn esser online ha el ina gronda clientella. Betg be casernas e restaurants han plaschair dals tgiradents cun gust mabain er la polizia ed er tschertas plaivs.

L'ieli da la planta da té che vegn duvrada per producir ils tgiradents è antibacterial e antiseptic. Quai gida da mantegnair la sanadad en bucca e cunter il desideri da fimar. Tiers n'han ils tgiradents nagin nicotin e naginas calorias.

Autur/a: Natalia Murtas