Tips co tgirar e far pront il pastget per l'enviern

Gist suenter questa stad da chaliras èsi impurtant ch'il pastget vegn tgirà. Spezialmain sche quel è brischà dal sulegl.

Quest onn dovra il pastget en blers lieus tgira speziala.
Legenda da maletgs: Quest onn dovra il pastget en blers lieus tgira speziala. Keystone

Anc uss n'èsi betg memia tard da salvar il pastget ch'è brin u mellen da las chaliras da questa stad. Tenor Pascal Keller, ortulan e mainafatschenta da l'orticultura Wieland a Tumein pon ins anc adina verticutar quel, metter ora terratsch e semnar el da nov. Grazia a las bunas temperaturas il settember po quel uschia far ragisch e crescher. Avant ch'i vegn dentant fraid e naiv duess'ins segar il pastget. Pli lung che 5-10 cm na duess'ins betg laschar el. Plinavant èsi bun da allontanar feglia che croda sin il pastget. Uschia na smarschescha quella betg.

Autur/a: Selina Chistell