Tips e trics per reparar pitschens donns en l'abitaziun

Vers la fin da mars èsi per blers puspè temp da pachetar las stgatlas da bananas ed organisar gidanters per far midada. Cura che l'abitaziun è vita restan las rusnas dals maletgs vid la paraid u sgriffels en ils ischs da lain. Pitschens donns ch'ins po dentant reparar sez.

Renovar - dar colur
Legenda da maletgs: Magari dovri er in zic colur nova cura ch'ins mida abitaziun. Pixabay

Rusnas, nua che maletgs pendevan, ubain quellas en il palantschieu sura, nua che la chazzola pendeva, pon ins stuppar cun massa da spategliar, uschenumnada Spachtelmasse. Sch'ins guarda anc ch'ella ha la medema colur sco il mir na ston ins probabel gnanc dar colur suror. I dat er massa da spategliar cun structura per mirs cun liadira groppa.

Ischs che tgulan pon ins unscher cun sprays spezials, ieli, lac da chavels ubain paintg.

Per sgriffels en lain datti sumegliantas pastas per emplenir sco per rusnas en ils mirs. Savens pon ins dentant er glimar ora els cun in palpiri da vaider. Suenter èsi però anc da glimar cun in palpiri fin ubain dar si da nov il lac per ch'i vegnia propi bel.

Perfin ils chavrets da cabels (Kabelbinder) pon ins duvrar per reparar pitschens donns en l'abitaziun...

Autur/a: Gion Gieri Flepp