Nossa pel protegin cun crema encunter il sulegl. Noss egls protegin cul egliers encunter il sulegl. Durant ch'ils ins san sulettamain far patratgs da la vart stilistica, ston persunas che portan egliers far patratgas davart la nizzaivladad.
Lia Wyss, opticra a Cuira, dat tips e trics:
La simpla varianta è da purtar lentinas ed alura pon ins purtar in egliers da sulegl normal. Ma betg tut las persunas verteschan lentinas.
Alura recumonda l'experta trais variantas:
- In clip per montar sin ils egliers: quai ha l'avantatg ch'ils egls èn protegids fitg bain.
- Purtar egliers da sulegl sur ils egliers normals: Quai ha l'avantatg che quels egliers serran bain e na laschan betg atras l'aria.
- La terza varianta èn egliers da sulegl cun vaider curregì: Qua datti in dischavantatg, durant ir cun auto èsi malsegir sche ti vas en in tunnel. Lura dovras era ils normals egliers dasperas.
