- Reservar in bun sez: Tar bleras societads aviaticas èsi pussaivel da cudeschar in bun plaz (savens custa quai dapli). Quai fa cunzunt senn per persunas pli grondas – diversas societads porschan er sezs cun spezialmain bler plaz. Quell'offerta ha num «Premium Economy» u «Eco Max».
- Prender cun sai proviant: Tgi che n'ha betg gugent il da mangiar en aviuns fa il meglier da pachetar in zic proviant en la bagascha da maun. Uschia san ins mangiar in zic tschigulatta u in fritg per ch'ins na perda betg la gnerva. Attenziun dentant suenter il sgol: En blers pajais na sa dastga betg impurtar fritga frestga – e quai vala er per il mail giusum la tastga.
- Sa proteger da pigliar dafraid: Savens èn aviuns climatisads fitg perquai èsi ina buna idea da prender cun sai soccas, in schal, in pullover u schizunt ina cuverta.
- Sa mover durant il sgol: Cunzunt tar lungs sgols èsi bun dad adina puspè star en pe e sa mover. Uschia prevegn'ins che las chommas sa durmentan u ch'ins survegn problems cun la circulaziun dal saung.
- Ed anc intgins tips avant co far il check-in: Tgi ch'ha tema da sgular duess tar il check-in reservar in plaz davostier. Là na ballucca quai betg uschè fitg. Plinavant duess'ins desister da bubrondas cun coffein - quellas promovan numnadamain la gnervusadad. Era impurtant èsi da mangiar insatge avant il sgol. Sgular cun magun vid n'è betg bun.
Tips per in sgol pli empernaivel
Esser insanua sper la mar, giudair il sulegl e «dolce far niente» è bain bel. Ma savens ston ins avant anc prender en cumpra in lung sgol. Quel na sto betg exnum esser malempernaivel:
Abunar
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.
Parter
