Tips per mantegnair ina temperatura agreabla l’enviern

Dar aria è l'enviern bunamain uschè impurtant sco da stgaudar l'abitaziun. Stgaudar correct duessins betg mo per evitar auts custs d'energia.

L'enviern è savens il privel ch'i vegn stgaudà memia fitg.
Legenda da maletgs: L'enviern è savens il privel ch'i vegn stgaudà memia fitg. Keystone

Stanzas stgaudadas fitg ferm cun aria stitga. Quai è savens la situaziun cura che las temperaturas giuadora van a bass. Las chombras en ils biros vegnan savens surstgaudads. Quai pon ins dentant evitar cun quests tips:

  • Tschentar en la temperatura ideala: Tranter 18 e 22 grads duess il termometer mussar en l'atgna abitaziun. En chombra da durmir enturn 18 grads, en stiva u en bogn in zic pli chaud, tranter 22 e 23 grads. Sche la temperatura en abitaziun va dentant sut 18 grads sfradentan mobiglias a paraids. Uschia dovri ditg enfin ch'igl è puspè chaud.
  • Avair nagut davant la pigna u il radiatur: La pigna duai adina restar libra. Sch'ina mobiglia sco per exempel in canapé è avant il radiatur na po la chalira betg sa derasar en la stanza.
  • Dar aria regularmain: Era l'enviern èsi impurtant da laschar circular l'aria. Qua èsi il meglier dad avrir las fanestra mo curt dentant dal tuttafatg ed uschia dar intginas minutas aria. Laschar cupitgà ina fanestra n'è betg ideal. Uschia sfradenta numnadamain l'entira stanza e l'aria po betg circular.
  • Controllar: Avant che l'enviern vegn duess ins controllar las pignas, ils radiaturs dentant er fanestras ed ischs. Gia ina pitschna fessa po sfradentar la stanza.
Laschar ir video «Winterlage»

Winterlage

2:44 min, dals 26.11.1971

Autur/a: Selina Chistell