Tschalers da protecziun (3/4) – contribuziuns e chastis

Na bajegian ins betg il tschaler tenor la lescha, schlian ins in tschaler existent ni laschan ins betg entrar la persuna da controlla, po quai tenor la lescha dar auts chastis d'enfin 50'000 francs. Tar persunas che commerzieschan professiunalmain cun immobiglias datti chastis enfin 100'000 francs.

In tschaler da protecziun.
Legenda da maletgs: In tschaler da protecziun. RTR, Ursin Lechmann

Ma il chantun Grischun na sto quasi mai chastiar. Bruno Casutt dal uffizi per protecziun civila sa regorda sulet da singuls 2-3 cas ils davos 20 onns. Ed era quels hajan ins pudì schliar senza chastis, sulet cun admonir ils pertutgads da megliurar las mancanzas. Il pli vai en da quels cas per la ventilaziun, ils plazs da giaschair ni la tualetta.

Autur/a: Ursin Lechmann