Tschalers da protecziun (4/4) – nagin plan da catastrofa

En il chantun Grischun datti avunda plazs en ils tschalers da protecziun. Per ils ins en lur agen tschaler, per auters en ils tschalers publics. Ma la repartiziun da las persunas sin ils plazs n'è anc betg reglada dal tut.

Ina vista giu dad ina stgala.
Legenda da maletgs: el è sta il pli grond tal fabricat e vala sco monument per il temp da la guerra fraida. Keystone

Persunas che han sez in tschaler da protecziun giessan en quest en ina situaziun da privel. Ma betg uschè cler èsi per las persunas che ston ir en in tschaler da protecziun public. I na dat numnadamain nagin plan, tge persunas ch'avessan dad ir nua. Quai vegniss actualmain decidì pir en cas da catastrofa, da las persunas da la protecziun civila.

Il chantun è dentant vidlonder d'elavurar in plan per tut las vischnancas, uschia che mintga persuna po mirar en la rait en tge tschaler da protecziun ch'ella ha da fugir en cas da privel. Enfin ussa è il plan fatgs per radund 45 vischnancas. Sin la fin dal onn 2018 vulan ins avair in tal plan per tut las vischnancas en il Grischun.

Autur/a: Ursin Lechmann