Siglir tar il cuntegn

Header

audio
Keystone
laschar ir. Durada: 4 minutas 43 Secundas.
cuntegn

Uschia cuntanschais il pli svelt bun brastger per grillar

Ils classichers n'èn betg la metoda la pli buna. Quai din il maister grillader Röbi Keller ed il president da Swiss Barbecue Association Hans Jörg Elsasser en il magazin K-Tipp. Lur tip: Laschar davart ils classichers e prender in chamin per envidar.

Il chamin per envidar (Anzündkamin) è in cilinder da metal cun bleras foras. En là mettins ils brichets u la cotgla. Sutvart èsi dad envidar il fieu ed en diesch minutas è la cotgla pronta. Il cilinder da metal funcziuna sco in chamin: Pervi da las foras datti aria currenta. Uschè vegn arsa la cotgla regularmain ed i dat svelt bun brastger.

Blocs na gidan – spiert è perfin privlus

En il test n'han ils classichers betg fatg ina buna impressiun. Ils blocs chemics u er quels da laina spizzavan fitg e faschevan bler fim. En pli èn els relativamain pitschens. Quai ha per consequenza che la cotgla na vegn betg chauda regularmain.

Da spiert e pasta per arder fan ils dus experts perfin attent. Cun duvrar da quai capitan adina puspè accidents. I dat spert ina flommada e per part perfin explosiuns, sch'ins prova da duvrar ina segunda giada il spiert.

Dapli da «Co e cum»

Scrollar a sanestra Scrollar a dretga