Videolivestream per mintgin: privels e muntada

Videolivestream per in e scadin

Cun novas applicaziuns per il telefonin e portals d'internet n'èsi betg pli necessari dad arcunar, tagliar e chargiar si il video sco tar Youtube. Ma quai porta er ristgs e privels. Tenor Theo Wasescha da la polizia chantunala è il ristg da vegnir en conflict cun la lescha pli grond tar il Videolivestream che tar auters vecturs. Quai simplamain perquai ch'i manca il pass dad arcunar e chargiar si. Lautur n'ha uschia numnadamain nagina influenza pli sin quai che schabegia avant la camera sch'el filmescha.

Perquai èsi tenor Patric Raemy da la Pro Juventute gist tar il Videolivestream da far attents giuvenils ed uffants da studegiar bain tge ch'i din e mussan. Gist er perquai ch'il videolivestream saja er interessant per pedofils u auters criminals.

Ina revoluziun per il schurnalissem?

Gian Ramming, schefredactur da Radiotelevisiun Svizra Rumantscha di na.
La pussaivladad da Videolivstream per in e scadin na veglia betg dir che mintgin/a saja cun quai er schurnalist/a. Sch'ins dovria quella pussaivladad en il schurnalissem da qualitad, saja il pli impurtant ch'i vegnia commentà e mess en in context.

Autur/a: RTR/dh