Co ir enturn cun ils animals da rapina gronds en il Grischun?

M25 è il novavel urs ch’è immigrà da l’Italia en il Grischun. Ed era la novavla giada hai dà donns e teaters. E pir avant in mez onn è in luf dal triep dal Calanda vegnì sajettà en moda illegala sper Tumein. La populaziun grischuna na para anc betg d’esser disada da viver cun ils animals da rapina gronds – il cuntrari. Duain ins dastgar regular il dumber dals lufs era independentamain dals donns ch’els chaschunan, là nua ch’i dat in triep u plirs trieps? Quai per evitar gia ordavant conflicts cun la populaziun – cun purs, chatschaders e turists? Sur da questa proposta da Stefan Engler debattescha l’emna che vegn. Gia ordavant datti la debatta en l’emissiun «Controvers» da la Televisiun Rumantscha cun Stefan Engler, cusseglier dals chantuns da la PCD e Silva Semadeni, cussegliera naziunala socialdemocrata e presidenta da Pro Natura Svizra.

RTR/dh