In discurs cun Patricia Scarpatetti

Avant set onns è Patricia Scarpatetti da Cunter emigrada a San Pedro Sula en Honduras. Là ha ella fundà cun sustegn da la Svizra ina chasa per uffants da la via, nua ch’ella viva oz cun 42 uffants e 12 collavuraturas e collavuraturs. Ella è la directura da la chasa e responsabla per l’organisaziun e la finanziaziun da l’instituziun. Cun sia fundaziun «Yo quiero ser» ramassa ella en Svizra e cunzunt en il Grischun donaziuns, material da scola, giugarets e bler auter per sia acziun d’agid en Honduras. En il «Discurs» cun Rico Valär raquinta ella co che ses project è naschì, co ch’ella viva en la citad la pli criminala dal mund e daco ch’ella less adoptar il pitschen Juan Carlos. Ella dat invista en sia lavur pretensiusa, en sias experientschas bunas e nauschas ed en ils projects futurs da la fundaziun «Yo quiero ser».

RTR