10 onns suenter la catastrofa dal tsunami en l’Asia

«Davent da quai di è mes desideri da gidar auters carstgauns creschì», di Arnold Caminda da Vrin. El ha per pauc survivì il tsunami a Sri Lanka avant 10 onns. La damaun dals 26 da december 2004 ha in terratrembel gigantic, da passa 9 sin la scala da Richter, mess en moviment in tsunami. 4 undas, da enfin15 meters autezza, chaschunan morts, cordoli e gronds donns en 18 tiaras da la costa da l’ocean da l’India. Pertutgà il pli fitg è la provinza dad Aceh sin l’insla Sumatra da l’Indonesia. 170’000 persunas perdan la vita en l’Indonesia. La Chadaina da fortuna rimna 227 milliuns per las unfrendas dal tusnami. Claudia Cathomen, la schurnalista e la vusch rumantscha da la Chadaina da fortuna tar RTR, ha visità questa stad l’Insla Sumatra – 10 onns suenter la catastrofa en l’Asia. Arnold Caminada e Claudia Cathomen èn giasts en il studio da la Televisiun Rumantscha.
Ulteriur tema: Torino Maissen è in unicat. El è il sulet lavurer che sa festivar in giubileum da lavur da 50 onns en ina fatschenta da construcziun.

RTR/dh