Allegra Svizra – ils immigrants (episoda 2)

Mintg'onn cumenzan var 100'000 umans ina nova vita en Svizra. La seria «Allegra Svizra» sa fatschenta en 5 episodas cun il destin da persunas ch'èn arrivadas da l'India, da la Frantscha, da la Siria e dal Portugal.

Per ils Franzos ed amis da la natira Julie Reynaud e Fabien Canovas s'accumpleschan plirs siemis en questa segunda episoda. Uss pon els far spassegiadas en la natira pauc dalunsch da lur dachasa ed els sa maridan. La famiglia siriana Al Sheikh festiveschan per l'emprima giada il Ramadan en in nov conturn. Fadias han els cun il fatg che la figlia la pli veglia è anc adina sin la fugia. Lisa Maria Araujo tschertga contact cun ses cumpatriots durant il campiunadi europeic da ballape. Durant sias vacanzas turna ella en il Portugal tar sia famiglia. Rahul Budhwar sa prepara per vegnir en Svizra, sulet. En l’India festivescha el il cumià, è dentant era in pau malsegir.

Contribuziuns

  • Trailer

    Il pèr Rahul Budhwar e sia dunna Megha Goyal han lavurà omadus sco managers en l’India. Ussa spetga la gronda sfida Svizra.

RTR/td