Allegra Svizra – ils immigrants (episoda 4)

Mintg'onn cumenzan var 100'000 umans ina nova vita en Svizra. La seria «Allegra Svizra» sa fatschenta en 5 episodas cun il destin da persunas ch'èn arrivadas da l'India, da la Frantscha, da la Siria e dal Portugal.

En questa quarta episoda arriva finalmain Megha Goyal cun la figlia Dia en Svizra, in grond di per ses um Rahul Budhwar. Ma, la managera Megha ha bainprest dubis sch'ella è buna da viver a Turitg senz'ina lavur. Dubis enconuscha era Lisa Maria Araujo. Turnada dal Portugal sa senta ella fitg solitaria en Surselva. Tut auter è quai tar Fabien Canovas. El s'ha fatg independent ed è puspè cuntent. E sia dunna Julie è en speranza. Tar la famiglia Al Sheikh discurran las figlias Rawan e Razan currentamain talian. Uss vul era la mamma Abeer frequentar in curs da lingua.

Contribuziuns

  • Trailer

    Els èn franzos, han vivì en Svezia ed èn uss arrivads en Svizra: Julie Reynaud lavura tar in concern internaziunal, ses um Fabien Canovas vul far il pass en l’independenza professiunala.

RTR/td