Allegra Svizra – ils immigrants (episoda 5)

Mintg'onn cumenzan var 100'000 umans ina nova vita en Svizra. La seria «Allegra Svizra» sa fatschenta en 5 episodas cun il destin da persunas ch'èn arrivadas da l'India, da la Frantscha, da la Siria e dal Portugal.

En la davosa episoda vesain nus las difficultads da la famiglia Al Sheikh per s’integrar en lur nova patria. Contacts cun Svizzers èn difficils. Era en Svizra tutgan en emprima lingia cumpatriots da la Siria tar lur circul d'enconuschents. La portugaisa Lisa Maria Araujo ha bain chattà enconuschents en Svizra, dentant turnan sentiments da solitariadad adina puspè. Per fortuna vegn ses figl Eduardo a visitar ella questa stad. Il fravi d'art independent Fabien Canovas è cuntent cun sia situaziun professiunala, ma la gravidanza da sia dunna Julie fa gronds quitads. Megha Goyal è stratga vi e nà dapi ch'ella viva cun ses um Rahul Budhwar en Svizra. Restar a chasa procura per dubis murdents tar la managera. Per distracziun procura l’emprima aventura cun ils skis.

Contribuziuns

  • Trailer

    Lisa Maria Araujo ha bandunà il Portugal a la tschertga da lavur. En la chasa d’attempads e da tgira a Glion ha ella gì success. Per ella è quai in nov cumenzament.

RTR/td