Barbara Janom Steiner – las mastrinas enta maun

Senza dubi – ella è ina da las persunalitads las pli profiladas en la politica grischuna. Perquai va in film dals «Cuntrasts» la fin da l’onn presidial da Barbara Janom Steiner en tschertga dals pass da sia carriera.

Igl è l’onn 1995. Cun 32 onns arriva la giuvna advocata Barbara Janom Steiner a Cuira e sveglia prest l’interess da las partidas: Cunquai ch’ella na vul betg che la Svizra daventia commembra da l’Uniun Europeica UE èsi cler, ch’ella chatta la via en la Partida Populara Svizra PPS dal Grischun. Uschia cumenza la carriera politica da quella dunna ch’ha ertà il sez dad Eveline Widmer-Schlumpf en la regenza grischuna.

Barbara Janom Steiner è silsuenter stada ina persuna centrala en la separaziun da las partidas PPS e PBD. Tge rolla ch’il militar ha gì per la politicra, co ch’igl è stà quella bun’ura istorica dals 12 da december 2007 en il biro dal cusseglier federal Blocher e tge ch’igl è da raquintar da la stgaffa da fulars mussa la redactura Isabelle Jaeger en in film dals Cuntrasts.

Dapli dal tema

RTR/Isabelle Jaeger