Siglir tar il cuntegn

Header

cuntegn

La seria da stad Cuntrasts plain purtrets

Era questa stad han ils Cuntrasts purschì durant la stad in program spezial. Questa giada ina seria dad 8 purtrets filmics realisads ils davos onns.

L'emissiun Cuntrasts è restada questa stad fidaivla ad in sulet gener filmic – al purtret. En ils archivs da Radiotelevisiun Svizra Rumantscha (RTR) sa zuppan numnadamain varsaquants purtrets prezius da persunas rumantschas. Damai è stà quest onn il motto: «CUNTRASTS plain PURTRETS – PURTRETS plain CUNTRASTS».

Da Honduras, São Tomé enfin a Donat

La schelta filmica è en il vair senn globala. Uschia è da vesair p.ex. il purtret filmic da Patricia Scarpatetti che viva e lavura en Honduras. Mussà vegn era l’engaschament d’avant onns da Gian Linard Meyer a São Tomé. E Cuntrasts mussa era purtrets da persunas pli stablas en Grischun, sco p.ex. il film da Donata Clopath da Donat. Autras persunas purtretadas èn: Luisa Delgado, Hans Caprez, Daniel Badilatti, Gieri Cathomas ed Annatina Miescher.

E tge fan quellas persunas oz?

Ma la vita po midar. Entant sa chattan las persunas purtretadas forsa en cumplettamain autras situaziuns da vita che al mument dal purtret filmic. RTR interessescha quai e lascha raquintar intginas da las persunas purtretadas antruras davart lur nova situaziun, davart lur vita dad oz. Nua èn els oz? Tge fan quellas persunas oz?

Tut ils purtrets èn era da vesair sin www.rtr.ch.

TR Cuntrasts 17:25