Siglir tar il cuntegn
cuntegn

Cuntrasts DRG «Made in China»

Uss è el online, il Dicziunari Rumantsch Grischun DRG, l’ovra da consultaziun rumantscha la pli cumplessiva. Enfin ussa existiva be la versiun stampada en 13 toms. Per ch’ils pleds vegnian dal cudesch vi en il computer hai duvrà la China.

Legenda: Guardar il video Made in China – La digitalisaziun dal Dicziunari Rumantsch Grischun. Durada 25:03 minutas.
Or da Cuntrasts dals 07.12.2018.

A Nanjing, ina citad dad 8,3 milliuns abitants, han quatter datatipistas scrit giu las 8500 paginas dal DRG. 19 mais han ellas duvrà. Tut han ellas scrit giu duas giadas per pudair cumparegliar las duas versiuns ed evitar sbagls.

Ins s'imagina gia che quellas scrivan spert e fitg exact. Ma da vesair, cun tge tempo – quai è propi surprendent ed in pitschen miracul.
Autur: Ursin Lutzredactur e manader dal project DRG online
Las dunnas scrivan.
Legenda: Otg uras a di scrivan las quatter datatipistas giu il DRG. RTR, Bertilla Giossi

Contact cun la China via la Germania

Il contact cun la China è sa dà tras il «Trier Center for Digital Humanities», in center spezialisà per digitalisar scienzas umanas da chasa. Il center a Trier (Germania) ha ils contacts cun la China dapi 20 onns. Sco emprim'ovra eran vegnids digitalisads ils 32 toms dal grond vocabulari tudestg dals frars Grimm.

Sch’i din che las cundiziuns sajan en urden, fidain nus a quella glieud.
Autur: Carli Tomaschettchauredactur DRG

Tras la scrittira chinaisa han las dunnas chinaisas in egl bler pli scolà per las differenzas da tut las sorts segns ed accents spezials. Er èsi cumprovà ch’ins fa damain sbagls cun scriver giu ina lingua ch’ins na chapescha betg.

Digitalisaziun «made in China» pli favuraivla

La raschun decisiva per dar la lavur en la China èn dentant stads ils custs: Quels èn in bun toc pli bass en la China che qua tar nus. Tuttina èn las cundiziuns da lavur per las datatipistas meglras ch'en la media chinaisa: Las datatipistas lavuran 8 uras a di. Lur paja è sur la paja minimala prescritta da la lescha. Quai saja ina buna paja per ina persuna senza scolaziun specifica.

La saira pudain nus smetter ad uras, e nus avain nagin squitsch. Uschia poss jau ir a chasa e guardar da mia figlia.
Autur: Xinhua Gedatatipista Nanjing
Portrait dad ellas dus.
Legenda: La datatipista Xinhua Ge e sia figlia en lur abitaziun. mad, xinhua ge

Cun sia paja e quella da ses um po la famiglia da Xinhau Ge sa prestar ina abitaziun da trais stanzas. Quai è bler spazi per las relaziuns en la China.

Cuntrasts 17:25