«Empau ei empau» – Vic Hendry e sia vita scritta

En memoria a Vic Hendry, ch’è mort ils 17 da december 2014 en la vegliadetgna da 94 onns, mussan ils Cuntrasts il film « Empau ei empau – Vic Hendry e sia vita scritta».
«Empau ei empau», manegia il scriptur Vic Hendry a la fin dal film dal reschissur Arnold Rauch. Ussa basta, ussa èsi da smetter, di el, e smetter è la pli gronda da las arts. Al cumenzament dal purtret cinematografic di Vic Hendry la sequenta frasa remartgabla: Cura che ti es passà ils 90 lura sentas ti schon che ti ès vegls, che ti vegns adina pli vegls e che ti vegns mo pli vegls! Ma tge era tranteren? Vic Hendry ha scrit sur 30 cudeschs. L’emprim era quai lungs ed extais romans. Lura èn ses texts daventads adina pli curts. A la fin ha el scursanì ses texts fin sin l’oss, fin là nua ch’i fa mal. El vala per blers sco enfant terrible e nunchapibel. Era quai fa mal ad el, mintgatant, ma auter na possia el betg scriver, el stoppia scriver sco ch’el saja.

RTR