Il peschun – sur dal scarun en il Grischun

Mintg’atun sa fan els sin la stentusa via dal Lai da Constanza siadora tar las plazzas da fregar en il Rain Anteriur e Posteriur. Il scarun vegn passa in meter lungas e paisa 12 kilograms u dapli. Ma bler n’ha betg manca e quest pesch imposant fiss mort ora. 1962 è la migraziun dal scarun vegnida interrutta andetg tras la construcziun da l’implant electric Reichenau. Il dumber dals scaruns è sa sminuids drastic e l’onn 1983 èn exact anc tschintg exemplars vegnids fin al mir da fermada da Domat. Pir en l’onn 2000 è il bain pli grond bajetg da quai stil en la Svizra, la stgala da peschs vi dal implant electric, vegnida construida. Dapi lura vala il scarun sco salvà. En ses film «Il peschun» mussa Arnold Rauch l’istorgia turbulenta dal scarun en il Grischun, cun bleras novas enconuschientschas e admissiuns sutmarinas spectacularas.