In Nadal romantic cun RTR

In punct da program gia bunamain tradiziunal durant l’onn èn ils concerts da Nadal dad Origen en las hallas grondas da la Viafier retica a Landquart. Era quest onn fan ils vaguns da tren plazza ad ina inscenaziun da glisch e surtut al chor. Sut la batgetta dal Sursilvan Clau Scherrer vegn il public ad udir chant da la romantica – da Brahms, Rheinberger e da Mendelssohn Bartholdy.

Origen po festivar quest onn ses 10avel onn d’existenza. E quai prenda RTR gist sco occasiun per emetter ina emissiun da Cuntrasts speziala cun passaschas or dal concert a Landquart. L’entir concert è silsuenter era da vesair sin nossa pagina en plaina lunghezza – cun in’inscenaziun da glisch che vegn a far l’artg da la stgiraglia da l’advent enfin tar la glisch da speranza da Nadal.

  • Telesguard, ils 18.12.2015 a las 17:40 sin SRF1
  • Cuntrasts, ils 20.12.2015 a las 17:20 sin SRF1
  • Online a partir dals 20.12.2015 (link suonda)
  • Radio Rumantsch: uras da musica spezialas, ils 24 e 25.12.2015

Dapli dal tema

RTR/td