La dolce vita

Las vacanzas èn finidas, il trot dal mintgadi ha entschet. Perquai laschan ils «Cuntrasts» reviver anc ina giada «la dolce vita» da la stad.

Nus giain a far fain en la Val Schons e raschlain lung las «tscharneglias», in’atgnadad sisum la Muntogna da Schons. Nus scrivain era cartulinas da nossas vacanzas, schegea che la vendita da quellas è dada ensemen radicalmain ils davos 20 onns. Gia avant 70 onns ha cumenzà en Svizra «la dolce vita» per persunas da 65+. Dapi exact 70 onns datti numnadamain l’AVS, l’Assicuranza per vegls e survivents. Nus guardain pertge che la Surselva catolica aveva votà dal 1947 encunter l’AVS. Dapi quels onns essan nus en mintga cas vegnids pli dultschs! Nus mangiain numnadamain tant zutger sco anc mai. E tuttina: Da cultivar en il Grischun ravas da zutger n’è insumma betg lucrativ.

Contribuziuns

  • I fa mal dapertut, ma igl è bel

    La mesa Val Schons fa fain si culm durant il mais fanadur – però betg tuts cun il medem svung!

  • «Cun chars salids da nossas vacanzas a ...»

    Ils davos onns è la vendita da cartulinas da vacanzas ida enavos marcantamain. E tuttina para la cartulina dad avair in avegnir.

  • Pauc bun affar cun l’aur alv

    Nus mangiain ozendi tant zutger sco anc mai. E tuttina: a cultivar zutger en il Grischun na renda insumma betg.

  • L’opposiziun sursilvana encunter l’AVS

    Ils pensiunads pon giudair ozendi lur «dolce vita» be grazia a l’AVS, introducida en Svizra avant 70 onns. Ma en Surselva avevi dà il 1947 grond’opposiziun.

  • Las «tscharneglias» da la Val Schons

    Sin la prada da munt en Val Schons datti «tscharneglias» che separan ina parcella da l’autra. Pudessan quellas strivlas dad erva e terren svanir cun la megliuraziun?

Dapli dal tema

RTR/td