La vatga grischuna

La vatga è la bestga preferida en Svizra. Tgenina vatga, quai è lura in'autra dumonda.

La Brina era en il Grischun fin ils onns 1960 la vatga unitara. Oz è quai auter. A partir dal 1967 han ins cruschà las Brinas originalas cun las Brinas americanas per pudair producir dapli latg. Enstagl da 3500 enfin 4000 kilos latg per onn dattan las Brown-Swiss duas giadas tant latg. La surproducziun da latg era preprogrammada. Sin la tschertga dad alternativas a las muntognas da paintg ins ha cumenzà a metter en stalla era muvel ester. Sco ch'il expert dal Plantahof Mario Bühler constatescha oz, na datti dentant nagina vatga ideala per il Grischun, ina vatga ideala datti mo per in singul manaschi. Era l'anteriur schef da l'Uffizi d'agricultura Alexander Dönz è autocritic e di che la propagaziun da la vatga unitara en il passà era ina politica sbagliada. Oz ves'ins uschia passa 30 razzas da muvel sin ils pastgs en il Grischun. En ils «Cuntrasts» da Radiotelevisiun Svizra Rumantscha mussain nus intginas da questas razzas, e lur possessurs raquintan pertge ch'els han tschernì lur vatga preferida.

Contribuziuns

  • Trailer

Nua èn las protagonistas dals «Cuntrasts» da chasa?

Artitgel/s dal tema

Dapli dal tema

RTR/td