Nós somos todos uma família – Portugais en l’Engiadin’Ota

Dapi 27 onns exista il FC Lusitanos de Samedan. Oriundamain eran quai mo umens che sa scuntravan per dar ballape en il temp liber. Oz è l’uniun era in lieu da scuntrada per eveniments culturals e socials.

En l’Engiadin’Ota ha en il fratemp mintg’otgavla persuna ragischs portugaisas. Quest augment marcant dals Portugais durant ils ultims diesch onns è ina gronda sfida per las autoritads e las scolas. A Puntraschigna, nua che 30 pertschient dals uffants da scola èn dal Portugal, sa mussan era ils cunfins da l’integraziun. E tuttina vala la scola bilingua tudestg-rumantscha da Puntraschigna sco model per l’integraziun d’uffants da lingua estra.

Il film «Nós somos todos uma família» dat invista en il mintgadi da la cuminanza portugaisa e sa fatschenta cun dumondas da l’integraziun.

Contribuziuns

  • Trailer

RTR/sh