«Ora et labora – ed ils Flyers»

La Clostra Son Jon a Müstair è ina claustra benedictina. 12 mungias vivan en questa claustra serrada. Sin l’emprima egliada ina claustra sco bleras autras era. Dentant quai engiona. Qua regna sper uraziun, meditaziun e silenzi era in spiert sportiv, numnadamain quel per hockey sin glatsch. Priura Domenica e sias consoras persequiteschan cun tschaffen e tensiun ils gieus da lur club da hockey, vul dir quel dals Kloten Flyers.

Perquai che las mungias vivan en ina claustra serrada, n’èsi dentant betg pussibel dad ir ina giada a guardar in gieu live. Quai n’excluda però betg in inscunter cun ils Flyers. Grazia a l’engaschi dal nev da la priura Domenica è il nunpussaivel daventà realitad. Ils Kloten Flyers èn vegnids en la claustra da Müstair a visitar las mungias. Per priura Domenica e tschellas benedictinas ina surpraisa extraordinaria, ina surpraisa ch’ellas na vegnan betg ad emblidar uschè spert. Il film «Ora et labora – ed ils Flyers» mussa quest inscunter.

RTR/al