Refurmas en tuttas furmas

Avant 500 onns aveva Martin Luther inizià cun sias tesas ina refurma radicala da la baselgia: la refurmaziun. Ma noss mintgadi è era oz plain da refurmas. Refurmas en tuttas furmas.

En tge furma vegn p.ex. refurmada la suletta gasetta dal di rumantscha La Quotidiana ch’è en crisa? Ils «Cuntrasts» preschentan pussaivels scenaris. La scola populara è suttamessa a refurmas permanentas. Quai ch’era pli baud frontal è oz digital. Nus avain visità la scola da Cuschnaus en Lumnezia. A propos digital: I dat in pitschen apparat ch’ha refurmà radicalmain nossa vita durant ils davos 10 onns: il smartphone. «Cuntrasts» preschenta cifras dal diever da telefonins, inclusiv malsognas e morts. E «Cuntrasts» sa fatschenta era dals successurs dal refurmatur Luther: Co statti atgnamain cun reverendas e reverendessas en il Grischun? Manca bainbaud era tar la baselgia refurmada il persunal?

Contribuziuns

  • Il prolog

    Nossa vita è ina refurma permanenta.

  • La Quotidiana – quatter refurmas pussaivlas

    Quatter perits valiteschan scenaris per ina futura «La Quotidiana»: Gieri Cavelty, Johannes Flury, Ladina Heimgartner e Hanspeter Lebrument.

  • Dad ina refurma a l’autra – la scola populara

    Paucs secturs èn vegnids refurmads quests ultims onns talmain sco la scola populara. Nus mussain las midadas essenzialas.

  • Nagina panica – però da prender serius

    La baselgia refurmada en Grischun ha anc avunda reverendas – però il trend è negativ.

  • Il telefonin ha midà noss mintgadi

    Savevas vus che nus duvrain durant in’emna en media 21 uras il smartphone? – Intginas cifras surprendentas.

Dapli dal tema

RTR/td