Rusna 5

La NEAT ed ils presidents

Dapi 20 onns observa Gieri Venzin tge che capita enturn la construcziun dal pli lung tunnel da viafier dal mund. Suandond puncts culminants, culps bass, speranzas e dischillusiuns raquinta l’autur oriund da Sedrun l’istorgia dal tunnel da basa dal Gottard. Tge consequenzas ha quest project tschientenari gì per la Val Tujetsch?

Il 1996, cura che la NEAT è arrivada a Sedrun, dominava il plaschair. Cun la NEAT vegniva spetgada la bainstanza. Oz, curt avant l’avertura dal nov tunnel, regian ils quitads. La Porta Alpina è sepulida, las pendicularas vendidas, l’avegnir en ils mauns da l'investider egipzian Samih Sawiris.

En il film «Rusna 5» fan l'autur ed ils trais presidents communals ch'han manà la Val Tujetsch durant ils davos 20 onns bilantscha.

Contribuziuns

  • Trailer

RTR/td