«Sas anc?»: Artur Caflisch

Poet admirà e disfamà

Per finir la seria da stad «Sas anc?» 2015 as preschenta Arnold Rauch in poet Ladin, per ch’el na giaja mai en emblidanza: Artur Caflisch! In poet admirà, ma era disfamà, saja el stà, ha ditg Andri Peer, in auter e poet Ladin, betg nundispitaivel.

Tge che Caflisch ha tut ditg, pretendì e fatg beffas, e tge ch’el ha tut stuì udir e sa grittentar! Artur Caflisch n’era betg in simpel, ma fitg spiertus ed in grond umorist.

A questa persunalitad cumplexa aveva Ernst Denoth deditgà in da ses tipics films, nua ch’el lascha discurrer enconuschents e litterats, da la persuna, ma er da l’ovra imposanta e formidabla dad Artur Caflisch.

Dapli dal tema

RTR/td