«Sas anc?»: Biert u Peer?

En ils onns sessanta e settanta da l’ultim tschientaner eri simpel da mussar culturalmain colur: Es ti Beatles u Rolling Stones, era la simpla dumonda tar blera glieud giuvna.

Natiralmain Rolling Stones, ils Beatles eran gea bler memia bravs. Frisch u Dürrenmatt? Adina il segund, almain en quai che pertutgava mai. Sartre u Camus, Russi u Collombin u perfin Coop u Migros?

Be tar ils dus scripturs engiadinais na gartegiava la resposta simpla mai.

Perquai vesais en l’emprima ediziun dal «Sas anc?», l’emissiun da stad da RTR, la varianta da salvament, quella da tuts dus: Mintgamai in purtret filmic dal prosaist Cla Biert e dal poet Andri Peer. Dus films dals onns 1969 e 1973. Ils dus scripturs ladins eran concurrents ma er durant lur entira vita amis, in cumpromiss pli che acceptabel.

Contribuziuns

  • Trailer

Dapli dal tema

RTR/td