«Sas anc?»: Il return dad in creppun grischun

En l’ultima ediziun da l’emissiun da stad «Sas anc?» cun films or da l'archiv da RTR, sa deditgescha l’autur e moderatur Arnold Rauch al capricorn, e quai betg quel sin las vopnas, mabain il viv e superbi bucun sin la grippa.

L’istorgia dal capricorn: Dapi l’onn 1906 è il capricorn, ch’era extinct sur tschientaners, puspè da chasa tar nus. L’istorgia da sia reintroducziun è aventurusa e vis dal punct da vista d’ozendi baud incredibla.

Be entasum la Val d’Aosta aveva il retg da l’Italia ses revier privat da capricorns. Nagliur en las Alps n’existiva el pli. Ils emprims dus ansiels èn vegnids illegalmain en Svizra, nua ch’els èn vegnids reintroducids pli tard l’emprim en il Grischun. Oz è l’animal superbi, il simbol grischun, puspè da chasa dapertut en nossa muntognas. Ina lung'istorgia da success.

Contribuziuns

  • Trailer

RTR/gc