Sch’il turissem d’enviern perda l’enviern

Il turissem ha patì ferm il davos enviern: pauca naiv, pli paucs skiunzs, frequenzas bassas tar las pendicularas.

E co statti a l’entschatta da questa stagiun? È il davos enviern stà in’excepziun u conferma el be il trend negativ? Ils Cuntrasts van a la tschertga da naiv e da recepts per in turissem d’enviern prosperaivel. Tranter auter a Val S. Pieder: Las pendicularas avevan il mars 2016 il cuntè al culiez. Paula Nay è ida ussa anc ina giada en quel territori da skis, curt avant la nova stagiun. Entant è Casper Nicca ì a Brail ed a Veulden per prender sut la marella dus hotels che lavuran cun different success. Ma senza naiv na vegn era il meglier hotel betg bain tras l’enviern. Il redactur Ruedi Bruderer è perquai sa mess a la tschertga da recepts e models turistics da l’avegnir – sche la naiv n’avess propi betg pli da vegnir in bel di.

L’emissiun vegn moderada dad Anna Serarda Campell, correspundenta RTR en Chasa federala.

Contribuziuns

  • Trailer

RTR/td