Studio litterar da la Televisiun Rumantscha

«Il passà en il preschent.» Quai è il motto dal Studio litterar da la Televisiun Rumantscha als Dis da litteratura 2014 a Domat. Otmar Seiler discussiuna davart il RETRO en la litteratura ed il mintgadi cun la dissegnadra da textilias Marlis Candinas, la collavuratura da l’archiv federal da litteratura Annetta Ganzoni Pitsch ed il psicolog Philipp Ramming. In spezial accent musical porschan Alexi e Marcus, ils dus chantauturs rumantschs ch’èn dapi 30 onns sin tribuna.

RTR/dh