Tranter gloria e vanagloria

La pli famusa vischnanca da la Svizra stat quests dis en il focus medial – San Murezzan.

Il hotspot turistic da l’Engiadin’Ota organisescha gia per la tschintgavla giada ils Campiunadis mundials da skis alpin. Quai è ina buna raschun per ils Cuntrasts dad ir a la tschertga da la gloria e la vanagloria da San Murezzan. La gloria sa chatta surtut en temps passads, la vischnanca è perquai anc oz ina marca, schegea cun ina u l’autra tolca: Il «Top of the World» perda pernottaziuns, il microcosmos resta serrà per «normalos», igl è in lieu da party per stars ed oligarchs. Co vesan ils da San Murezzan sezs lur lieu ed en tge direcziun vulessan els che lur vischnanca sa sviluppass? Als Campiunadis mundials vai però a la fin dals quints per in’autra gloria, per medaglias. I dat dentant pauc bunas vistas ch’in Grischun u ina Grischuna gudognia ina cursa. Pertge atgnamain? È il sport da skis en il Grischun en ina crisa? Ils Cuntrasts respundan era questa dumonda.

Contribuziuns

  • Ina crisa grischuna?

    Dasper Carlo Janka datti pauca speranza per ina medaglia grischuna al campiunadi mundial da skis alpin. Pertge atgnamain? È il sport da skis en il Grischun en ina crisa?

  • Bunamain tut crescha

    San Murezzan organisescha gia per la tschintgavla giada campiunadis mundials da ski alpin. Ed in sguard sin ils custs, las cifras d’atlets ed ils aspectaturs mussa che bunamain tut è creschì quests onns, però i dat excepziuns.

  • Mes San Murezzan

    San Murezzan è ina marca da renum mundial. Però co vesan ils da San Murezzan lur lieu da cura?

  • Visiuns per San Murezzan

    San Murezzan senta la crisa turistica – damain pernottaziuns, damain hotels, damain entradas. Nus avain discurrì cun trais persunas giuvnas engaschadas en il turissem. En tge direcziun vulessan els che San Murezzan sa sviluppeschia?

  • Trailer

Dapli dal tema

RTR/ td