Tranter speranza ed illusiun

En ils onns 1960 ha la Televisiun Rumantscha realisà ina seria davart l’industria grischuna. L’euforia era gronda, surtut suenter l’avertura dal tunnel dal San Bernardin. Oz, in mez tschientaner pli tard n’exista la mesadad da questas interpresas betg pli. Il siemi da Leon Schlumpf che l’industria possia fitgar pe en tut las valladas grischunas n’ha betg s’accumplì. 50 onns pli tard faschain nus puspè in viadi e vesain che la nova industria da hightech è sa chasada oravant tut lung la A13. Quest sectur 2 cun l’industria ha dentant plinavant pers vi d’impurtanza. Era il Grischun è daventà in chantun nua ch’il sectur 1, cun las branschas da servetschs è fermamain dominanta. La crisa da finanzas ed actualmain la crisa cun il franc ferm procuran dentant per novas turbulenzas. Il film «Tranter speranza ed illusiun» da Ruedi Bruderer è in viadi en ils davos 50 onns da l’industria grischuna.

RTR/td