UT UNUM SINT – l’aventura dal chor claustral da Mustér

Atgnamain hai num ch’ils zains giajan gievgia sontga a Roma, per turnar (la vigilgia da Pasca) tar la celebraziun da la levada. Ils zains claustrals da Mustér van quest onn buc a Roma mabain a Cologna. Ensemen cun ils zains van era gest tut las scolaras ed ils scolars dal gimnasi claustral. UT UNUM SINT sa numna quest project. UT UNUM SINT (... ch’ils carstgauns sajan unids) è primo in’ovra musicala per chor, orchester, duas solistas e set zains, secundo duai igl esser in messadi per la pasch e terzio è UT UNUM SINT in viadi da scola particular. Durant in’emna è l’entira scola claustrala da viadi, 147 scolaras e scolars sin duas bartgas da Basilea a Cologna. Per il chor gimnasial stattan quatter concerts sin il program, a Breisach en il Münster, en ils doms da Speyer e Mainz ed il punct culminant la preschentaziun en il dom da Cologna. UT UNUM SINT - il project il pli spectacular che la scola claustrala da Mustér ha realisà insacura.

Dapli dal tema

RTR/td