Avust

Il num da l'otgavel mais sa referescha a l'imperatur Augustus. 

Chasper Pult
Legenda da maletgs: Chasper Pult RTR

La racolta dependeva da l'aura, ins giavischava bell'aura setga, p.ex. en Surselva: «Din schetg uost eis ei aunc mai vegniu paupra glieud, d'in bletsch bein». A Dalin sin la Mantogna nua chi plova darar udin nus il cuntrari: «Plova ei gl'avost, scha plova mel a muost». L'emprima plievgia d'avust mazza sco ch'i para las bueras. A Sent tuna quai lura cun il «talianissem che deriva da Mosca: «La prüma plövgia d'auost mazzal mosc.» Il mais cun la pli blera lavur purila na perduna betg tgi che è lieder: «Chi chi jascha ils mais da fain, mangless gnir rot la rain.» Ils randulins che faschevan vacanzas eran perquai ina provocaziun.

Autur/a: Chasper Pult