Balbina u Barbulina?

chau da Chasper Pult
Legenda da maletgs: Chasper Pult. RTR G.Dazzi

Natiralmain che nus pudessan gratular oz a quels che portan il num Pasqual. Dentant han ils chalenders rumantschs deditgà l'ultim di da mars a la sontga Barbara ch'exista tar nus en las duas variantas Barla e Barbla. En rumantsch avain nus furmas affectuusas da bellezza, cunzunt quellas en la furma diminutiva: Babetta, Babigna, Balbina, Barbulina, Barblina, Barbluotta, ma era Bigna e Bina. Il num Barbara cuntegna il pled barbar ed inditgescha ina persuna estra. Tgisà sche la Onna Barbla «an tgamoischa» da Lantsch ha sturschì ses grugn u mintun u baditschun ord quest motiv?

Redacziun: Chasper Pult