«Bloomsday»

chau da Chasper Pult
Legenda da maletgs: Chasper Pult. RTR G.Dazzi

I dat cudeschs ch'han midà il mund! En il 20avel tschientaner è in da quels «l'Ulysses», l'ovra principala da l'autur irlandais James Joyce, mort a Turitg 1941. El aveva scrit quest roman da pli che 1'000 paginas dal 1914 fin al 1921, cumparì è el il 1922. En il cudesch vegn descrit in di en la vita da Leopold Bloom, e quai è ils 16 zercladur 1904. Dapi 1954 vegn quest di festivà en memoria dal protagonist dal cudesch ed il «Bloomsday» è daventà in'attracziun turistica a Dublin ch'attira millis da persunas. Il scriptur grischun Räto Hänny ha en onur da «l'Ulysses» scrit ina varianta curta «Blooms Schatten» che cuntegna l'entir roman en in'unica frasa sin 145 paginas.

Redacziun: Chasper Pult