Bluomintali

chau da Chasper Pult
Legenda da maletgs: Chasper Pult. RTR G.Dazzi

Mintgatant essan nus surprais d'entupar nums da famiglia tudestgs en ils territoris stget rumantschs. En Val Lumnezia datti bleras persunas che sa numnan Blumenthal. Questa schlattaina exista dapi il temp medieval tardiv a Degen ed a Morissen, pli tard èn daventads ils Blumenthals era burgais da Sagogn, Vignogn e Vella. Probablamain derivan ils emprims colonists cun quest num dad in bain cun num Bluomintali en il conturn da Feldkirch, oz abandunà. Quel appartegneva als conts da Montfort, dals quals ils von Werdenberg èn pli tard sortids sco agen rom. L'istorgia grischuna è savens ina raschun per la migraziun da nums.
 

Autur/a: Chasper Pult