Bonaventura

chau da Chasper Pult
Legenda da maletgs: Chasper Pult. RTR G.Dazzi

Damaun inditgeschan noss chalenders il num Bonaventura. Be per il Chalender Ladin è ses onomastic gia oz, tgi sa pertge? I sa tracta da Giovanni Fidanza, il pli impurtant teolog medieval che era daventà minister superiur dals franciscans ed aveva scrit ina biografia da Francestg d'Assisi. Cur ch'el era stà grevamain malsaun sco mattet aveva s. Francestg al benedì e guarì. Onns pli tard cur che il sontg era muribund al han sia mamma ed il buob visità e s. Francestg ha exclamà: «O buona ventura!». Il pled ventira fa anc oz part dal vocabulari rumantsch, sper fortuna, che nus giavischain als vischins franzos.

Redacziun: Chasper Pult