Bumaun a la veglia

Ina segunda schanza?

Fotografia dal chau da Chasper Pult
Legenda da maletgs: Chasper Pult. RTR G.Dazzi

Bumaun è passà, in nov onn ans ha conquistà danovamain. Ma ier han ins pudì vesair en l'Appenzell Dadora ils Silvesterchläuse che faschevan fracass e canera. Betg mo ils Appenzellais avevan bregia dad acceptar la refurma da chalender dal papa Gregor 1582, ma era las regiuns refurmadas en Grischun pensavan che quella fiss in'idea catolica. Ils chaugross n'avevan betg encletg, chils fatgs astronomics eran la raschun per quella refurma. Il chantun Grischun ha stuì sfurzar tschertas vischnancas dad introducir quel l'onn 1812, per exempel en Engiadina Bassa. Enfin oz è sa mantegnida quella regurdanza e forsa han tschertins renovà ier lur propiests ch'els avevan già emblidà ils emprims dis.

Redacziun: Chasper Pult

Autur/a: RTR/gd, Redacziun: Gabriela Desax