Chalandafavrer

chau da Chasper Pult
Legenda da maletgs: Chasper Pult. RTR G.Dazzi

«Calendae» era il num latin per ils emprims dis da mintga mais, oz è damai Chalanda favrer. En il chalender roman era quai l'ultim mais da l'onn, quel da la schubregiada che vegniva festegiada a la festa Februa. «Mez favrer e mez faner» schevan ils purs e speravan ch'il fain tanschia enfin primavaira. L'aura a s. Brida avess dad esser sburritschida, sperain pia che l'enviern turnia anc ina giada! Damaun è lura en las regiuns catolicas la festa da Nossadunna da chandailas, ch'existiva era en l'Engiadina, sco che nus pudain leger en il text pli antic da la Rumantschia.

Redacziun: Chasper Pult