Da Schiessers e Jeghers

chau da Chasper Pult
Legenda da maletgs: Chasper Pult. RTR G.Dazzi

Quant impurtanta che la chatscha è adina stada en il Grischun, mussan ils nums da schlattaina che sa refereschan directamain a questa passiun che gidava pli baud era a spisgentar la famiglia.

Ma era tranter ils toponims chattain nus blers referiments ad animals, era quels ch'èn oz scumandads. Localitads cun num Chantaluf datti a Susch, Zernez, S-chanf, Zuoz, Madulain e Samedan, a Poschiavo sa numna quai Cantaluf. Las differentas lueras a Lumbrein, Alvaschagn, Salouf e Lavin inditgeschan in foss per traplar in luf. E tgi sa sche a Bever existivan casturs, pertge che Rudolf von Planta fascheva derivar il num dal gallic bebros che ha dà il num tudestg Biber. En bucca d'luf!

Redacziun: Chasper Pult