December

chau da Chasper Pult
Legenda da maletgs: Chasper Pult. RTR G.Dazzi

L'ultim mais cumenza il dieschavel, sche nus quintain l'onn a partir dal Chalandamarz sco quai ch'igl era il cas pli baud.

Tgi sa anc ch'en l'Engiadina e tschertas parts dal Surmeir vegniva quest mais pronunzià «dschember» sco noss schember culs buns nuschegls? La linguistica numna questa moda da laschar ora ina silba ina sincopa, sco en la musica da jazz.

En Surselva vegn ditg «La neiv dil december cuoza igl entir unviern.» Quants dis ha il december? «Nel december, schaner, favrer / staun las duonnas a filer / sper la pigna di e not / duos trentün ed ün vainchoch.»

Redacziun: Chasper Pult