Durant la revoluziun franzosa han ins empruvà da dar nums originals per ils differents mais. Per la stad eran quels messidor tenor la racolta (moisson) e thermidor da termal (chaud). Questas denominaziuns n'han betg gì success.
Probabel han la Surselva ed il Grischun Central stgaffì tenor il Heuer tudestg il bellischem num fanadur che sa referescha al fain. Tgi fa fain, fa bain, din ils Engiadinais cun respect per quella lavur essenziala dals purs durant la stad. Donn e putgà che la tentativa d'introducir quella furma mo rumantscha era en Engiadina cun il vocabulari tudestg-ladin n'ha betg gì success!
